لو المنافسين الشركة بتاعتهم بتكبر بسرعة، هل في طريقة تكبر بيها شركتك في وقت قليل ,هل في طريقة توصل بيها رسالتك لأكبر عدد ممكن في اقل وقت ممكن ؟

ايه هو موضوع الـ growth hacking ده ؟

في 2010 جه واحد اسمه Sean Ellis

قال يا جماعة في حاجة اسمها growth hacking , لكن كان صريح وقال انا مخترعتش الـ growth hacking هو موجود من الاول. انا بس اديت اسم لحاجة كانت بتحصل من زمان في الشركات , مش انت كبيزنس كنت بتروح لشخص بتاع الماركتنج وتقوله سوقلي المنتج دا ؟

الموضوع دلوقتي اختلف شوية و بقي معكوس , بمعني , الراجل بتاع الماركتنج هيقولك تعمل ايه في صفات المنتج بحيث ينمو بسرعة .

بمعني تعمل ايه في الـ service بتاعتك في خطوات استعمال ال service نفسها , بحيث انها تنتشر أسرع؟

طيب مش لو في حاجة زي كدا هتخليك تصرف أقل على الماركتنج, هتخليك تحط budget قليلة على المصاريف اللي بتروح عشان الناس تعرفك؟

هقولك على مثال:

زمان كان hotmail قبل ما تنتشر عاملة حاجة كانت هي السر في نجاحها

• • كل واحد يبعت ايميل من hotmail يلاقي رسالة مكتوبة تحت بتقول , ملحوظة انا بحبك ابعت ايميل free من hotmail , وكان السطر دا هو السر اللي خلى الناس تعرف hotmail وينتشر.

• • شركة airbnb , اللي بتساعدك انك تأجر الشقة بتاعتك او تأجر اوضة فى الشقة بتاعتك . زمان كان لما تيجي تحط اي بوست على airbnb كان اتوماتيك ينزل على موقع مشهور عندهم زي OLX فكل الزحمة الموجودة على الموقع المشهور دا ,عرفت ان في حاجة اسمها airbnb

• كمان Uber, دلوقتي لما تيجي تعمل account علي uber بيقولك invite your friends علشان خاطر تاخد رحلة مجانا وعشان تاخد خصم 20% وهكذا.

فبقيت خطوة من خطوات استعمال المنتج انك "كعميل" تساعد في تسويق المنتج دا

قبل ما نبدأ نتكلم عن الـ growth hacking احنا هنتكلم في 3 خطوات تفكر فيهم …...

بس قبل ما نتكلم عليه خليك عارف اني مش جي اقولك على فكرة مطرقعه هتخليك تجيب جون في البيزنس بتاعك .

الحقيقة ال growth hacking مش بيقول كدا

لكن الـ growth hacking بيقول على افكار وخطوات انت عارفها بالفعل لكن لو فكرت في استعملها بهدف النمو وعملت منها خطوات كتير بشكل موازي, الشركة بتاعتك هتنمو بسرعة .

3 خطوات لل Growth Hacking

موضوع الـ growth hacking موضوع كبير بس احنا هنختصرة في 3 خطوات

مش انت في الاول عايز العميل يعرفك فتجذبه وبعد كدا لما تلفت انتباهه , عايزه يتفاعل مع المنتج ويشتري , واللي اشترى مش عايزه يمشي بقا عايزه يشتري تاني.

هي دي ال3 خطوات اللي هنتكلم عليهم

attract انك تجذب العميل وتلفت انتباهه.

activate أنه يتفاعل مع المنتج بتاعك ويشتري.

retention ان اللي اشترى يشتري تاني .

attract انك تجذب العميل وتلفت انتباهه .

اول نقطة الـ attract , حاجات انت عارفها وممكن تكون بتعمل جزء منها لكن عايزين نفكر فيها بشكل مختلف بهدف النمو زي ال blogging الكتابة و تدوين المقالات , دي حاجة انت عارفها فعلا بس خلي بالك ….

- وانت بتكتب هل بتفكر ازاي تنشر المقالات دي .. هل بتبدأ تصرف عليها اعلانات علشان توصل ؟

هل بتكتب في موضوعات العميل فعلا محتاجها؟ هل بتكتب في مواقع او مدونات العميل بيقراها او مجلة تكتب فيها كضيف بحيث العميل بتاعك يشوفك ؟

دي الطريقة اللي تفكر بيها, وهي ان يكون كل هدفك انك علشان تجتذب العميل تكون مصدر المعلومة بالنسباله , لو نجحت ان انت تكون مصدر المعلومة للعميل في الصناعة بتاعك ، خلاص ببساطة جدا هتقدر تلفت انتباهه .

وده بتقدر تعمله عن طريق

1- عمل تقرير عن الصناعة

اعمل تقرير عن الصناعة بتاعتك كلها

2- عمل eBook

اعمل eBook او كتاب اونلاين , من خلاله بتشرح الصناعة بتاعتك و المنتج و الفكرة بتاعتك

3- infographic

ال infographic بيشرح للعميل في شكل أرقام و معلومات سريعة ,اهم الحاجات اللي تخص البزنس بتاعك و الصناعة بتاعتك

4- webinar

ال webinar دي حاجة ظريفة ومزيج بين web و seminar او محاضرة اونلاين وفيها ميزه جميلة انك بتاخد ال contacts المهتمة بالموضوع دا فلما تعمله محاضرة مجانية اونلاين فأنت بتجتذبه وبتاخد منهم الـ contact علشان تقدر تتواصل معاه مرة تانية .

5-Competition

مين بيعمل مسابقات , الناس بتحب دايما المنافسة في لعبة ظريفة اسمها cross fit اللعبة دي بتعمل حاجة على مستوى العالم بتعمل opening ان الناس بتسجل score اللي حققوه في الـgym بتاعهم على الـ website وبيعملوا حاجة زي leader board يرتبوا الـ score بتاعهم وهكذا .. فالتنافس دا لوحده يحمس الناس جدا.

6- deals

في مواقع تانية بتجمع الـ deals الموجودة لكل المنتجات التانية وتحطها على موقع واحد ممكن تبقى ليك تواجد على الموقع بتاعهم.

شوف الاماكن الموجود فيها العميل بتاعك , واعمل معاهم deal ان انت تدي هدايا للعملاء بتوعك من منتجاتهم وللعملاء بتوعهم من منتجاتك .

فكر في الناس اللي العميل بتاعك بعتبرهم Influencer اتفق معاهم ان هما يستعملوا المنتج بتاعك ببلاش.او يعملوا account مثلا علي المنتج بتاعك ببلاش.

دي شوية أفكار تجذب بيها العميل تعملو حاجة زي attraction في افكار تانيه ممكن تعملها جوا المنتج نفسه ….

ايه الحاجة اللي ممكن تعملها جوا المنتج نفسه تساعد المنتج دا ينتشر ؟

1- حفز الناس انها تستخدم منتجك ومقابل كدة اديهم حاجة زيادة

Dropbox عملت حاجة ظريفة زمان قالت كدا لو انت خلصت الخطوات دي هتاخد 250 ميجا مجانا

هيديك مساحة أكبر online تقدر تستعملها لو انت خلصت الخطوات الفلانية , الخطوات دي ممكن تكون فيها فيديو تعليمي ازاي تستخدم drop box او لينك تبعتوا لاصحابك علشان يعملوا اكونت ببلاش.

2- ممكن تستخدم ال ABI integrations

فاكرين زمان ال sound cloud كنت تلاقي كل الاغاني اللي انت سمعتها نزلت بوست علي الاكونت بتاعك على الفيسبوك , دي حاجة اسمها ABI integrations ازاي بتخلي استعمالك لموقع معين ,يتنشر في موقع تاني من غير ما تحتاج اي Permission, ممكن تكون انت اديته Permission مرة واحدة وهو ينزل ال posts بشكل أوتوماتيكي بعد كدا.

3- خلي الناس تشير الكونتنت بتاعك علي السوشيال ميديا

الكونتنت بتاعك اللي بتكتبه اونلاين , في حاجة بتبقى موجودة في الموقع بتاعك تخلي الكونتنت يتشير بسهولة حتى لو كانت مكتوبة في مقالة، تخليني بسهولة اقدر اعملها pin على pinterest ,لو انا علمت على سطر في المقالة يطلعلي زرار اسمه تويت, حاجات صغيرة جدا لكن بتساعد على انتشار المعلومة بتاعتك.

4- شير المعلومات مع contacts العميل

لو انت المنتج بتاعك اونلاين تقدر تطلب انك تراسل ال contacts بتاعتي يعني ممكن تدخل على ال phone contacts وتراسلهم او الايميل listing وتراسلهم او اصحابي على الفيسبوك وتراسلهم ,بس لازم تطلب permission لكدا

5- اوصل للناس organic عن طريق …..

ممكن الـ podcast بتاعك او المعلومه بتاعتك تنتشر organic لو فيها الصفات ديه

لو الكونتنت بتاعك simple & fun وخصوصا لو emotions قوية لو اي حاجة بتخلي شكل الشخص كويس اونلاين هو هيبقا willing اوي انه يشيرها , مش ساعات كده بتلاقي ناس بتتصور في مطعم ظريف و having breakfast وهكذا ويتصوروا في المطعم الفلاني على انستجرام ,اي حاجة بتخلي شكل الشخص اجتماعيا اظرف , بتخلي الشخص willing انه يشيرها.

دي بعض الافكار، فكر فيها في ال product بتاعك ازاي جزء من استعمال الـ product يساعد انه الفكرة تنتشر.

احنا كده اتكلمنا ازاي تعمل attraction للعميل قلنا شوية افكار فيها ان انت تعمل كونتنت بشكل معين يبقى موجود في ال community بتاع العميل وهكذا, وأفكار على انك تغير في ال product بتاعك وتخلية ينتشر بسرعة

طيب انت كده عملتلوا attraction وجبتوا عندك فاضل ايه ؟

فاضل ان العميل يتفاعل مع الـ content بتاعك و يشتري, ده بينقلنا لل activate.

activate يعني ازاي تخلي العميل يشتري .

فيه كذا طريقة تخلي العميل يشتري زي …...

1- ال CTA

اول حاجة علشان خاطر العميل يشتري , لازم تقوله اشتري , لازم يبقا في CTA انه يشتري .

بشوف مواقع عمل CTA ظريفة جدا , زي ايه START SAVING NOW بلون اخضر كدا وجميل وبيدعوا للـ SAFTY .

وحاجة تانية بتقول START GROWING NOW وهكذا هتلاقي الزرار نفسة مشجع على الCTA

بس وانت بتعمل CTA خد بالك انك تتجنب الـ DISTRACTING CALL TO ACTION يعني متحطش كذا زرار , كذا CTA في مكان واحد.

ودا يودينا لمرحلة الـ LANDING PAGE

هي صفحة على الموقع بتاعك بتعملها علشان خاطر العميل ياخد اكشن معين فبتشيل كل الزراير والقوائم وتشكل كل حاجة ممكن يدو عليها الا زرار الdownload او ال PAYMENT NOW وتسيب عنوان عريض فيه ال direct benefit للمنتج بتاعتك .

وتحتها قائمة بالفوائد اللي هتعود عليا لو استعملت المنتج دا قدمها صورة بسيطة عن المنتج وتحت الصورة في form بسيطة فيها ال payment method او بيانات الاشتراك

لو انت عملت كدا انت بتسهل على العميل انه ياخد اكشن .

2- خلي بالك في الكتابة امتى تكتب كلام كتير وامتى تكتب كلام قليل

لو المنتج بتاعك غالي وهو عنده مخاوف وعندة اسئلة ومحتاج اجابة , اكتب كلام يطمنه او اسئلة واجابتها.

طيب لو المنتج بتاعك سعرة بسيط عليه , اكتب كلام قليل لان الكلام الكتير هيثير شكوك في عقله مكنتش اصلا في باله

حاجة تانية وانت بتكلم العميل علشان خاطر يشتري ..

3- كلم العميل بلغته

دي اتكلمنا عنها قبل كدا في موضوع " ازاي تكسب و تنجح بعدد عملاء مش كبير " وهنتكلم عنها تاني بالتفصيل.

كان مثلا عندنا campaign في شبرا فبدل ما نكلم الناس عن المنتج نفسه كلمناهم عن الذكريات في شبرا وجمال شبرا و "مدبولي قاسم" بتاع الايس كريم في شبرا .. وهكذا

فالناس حبتنا جدا لمجرد ان احنا استعملنا الحاجة اللي بيحبوها واتكلمنا على ال values اللي هما بيحبوها.

4- استخدم ال onboarding

حاجة كمان اسمها onboarding يعني انت بتاخد بأيد العميل وتعلموا ازاي يستعمل المنتج بتاعك

حد دخل قبل كدا على OLX وعمل اعلان؟ مش بتلاقي جنب كل حاجة في شرح جميل باللغة العامية زي مثلا

اكتب هنا اسم الاعلان خلي قصير ومعبر , يلا ننشر الاعلان.

وكلام كدا باللغة العامية بيوضح ليك خطوة خطوة تستعمل الموقع ازاي, احنا دلوقتي ساعات بندخل على مواقع بنتوه من كتر ال options خلي الدنيا simple وخلي الخطوات واضحة جدا.

5- تسعير المنتج

اخر حاجة التسعير لما تيجي تحط الاسعار بتاعتك ,حط اسماء ليها علاقة بالعميل.

متقولش الباقة الذهبية والبرونزية حاجات انا مش عارف اختارها على اساس ايه.

لكن لما تيجي تقولي ان دي باقة الـ starts ودي باقة الـ beginners ودي باقة الشركات الكبيرة ,كده الموضوع ليه علاقة بالعميل شوية, هيساعدني اختار انهي باقة تناسبني.

بردو من ضمن الحاجات في التسعير, اعمل منتج الـ value فيه عالى جدا ويكون اغلى منتج عندك، الناس هتبص للمنتجات الثانية بنظره أعلى , وهتبقى عملت segmentation لنفسك ان انت بتاع الـ quality العالية اللي عندك الحاجة الغالية اللي تستاهل.

واخر حاجة في التسعير لازم تعمل Free trial خلي الناس تجرب ببلاش، لازم تعمل باقات اللي هو ايه , كذا حاجة بسعر اقل لو انا استعملتها كلها مع بعض .

في حاجات تانيه هنتكلم عنها في التسعير قريب " فاستنونا " لكن دي شوية حاجات تساعد العميل انه ياخد قرار

دي كانت افكار الـ activation وهنتكلم دلوقتى على أفكار للـ retention

Retention يعني ازاي العميل يشتري تاني

احنا كده اتكلمنا على attraction انا بلفت نظر العميل , و الـ activation انا بساعده او بشجعه ياخد قرار بالشراء أو يتفاعل مع المنتج بتاعي .

طيب ازاي العميل اللي اشترى اخليه يشتري تاني

هنقول 9 خطوات ازاي العميل اللي اشترى يشتري تاني

1- قسم المصاريف

لما بتلاقي الخطوات دي بتقول ايه , انا هصرف كل الفلوس على الـ attraction وبعدين اجيب الناس دي واعملهم activation وبعدين اجيبهم واعملهم retention.

- الحقيقة متبداش بالطريقة دي اصرف جزء من الفلوس على الـ attraction علشان خاطر تجيب المجموعة الاول وبعدين تحاول تعملهم activation وبعدين تقيس النتيجه وتشوف ايه اللي اتطور في الـ activation وبعدين تحاول تعملها retention وهكذا

ليه بقولك كدا

علشان خاطر وانت بتجرب في المجموعة الصغيرة دي هتلاقي نفسك محتاج تغير حاجات وتطور حاجات ودا هيساعدك في المجموعة اللي بعدها وهكذا.

2-ابهر العميل

حاجة هقولهالك في موضوع الـ retention لازم تبهر العميل يعني تعمل اكثر من توقعاته يعني شوف ايه الحاجة المبهرة في المنتج بتاعك وازاي تسرع الانبهار دا.

يعني مثلا , العميل مش هينبهر غير لما يستلم المنتج فلما يجي يدفع الفلوس لازم تقدمله نتيجة مبهرة لازم تسرع النتيجة , العميل مش هينبهر غير لما يعمل account على الموقع بتاعك لا خليه يشوف حاجة من المنتج بتاعك الاول فيتشجع انه يعمل account , فكر ايه اللي بيبهر العميل عندك وسرع العملية جدا.

3-استعمل الـ Email Marketing

حاجة في موضوع الـ retention انك تستعمل الايميل ماركتنج او التسويق بالبريد الالكتروني و تـ contact العميل على طول, تبعتلو اخبارك تبعتلو الـ case study بتاعتك وقصص النجاح اللي انت عملتها مع عملاء تانين ابعتله اسأل عليه واسألوا وصل لأيه في استعمال المنتج بتاعك.

فيفضل اللوجو بتاعك ومعلوماتك قدامه بأستمرار

4-فكر العميل بيك علطول

فكر العميل بيك عن طريق الـ notification عن طريق انك كل شويه تفكره بالعرض الفلاني وانه عميل مهم عندك بس من غير زن كتير علشان ميكرهش المنتج كله.

5-اعمل Exit interview

لما واحد يبطل يشتري ويروح يشتري من شركة تانية قوله لأ , ايه اللي زعلك من الشركة عندي اعمل معا حاجة اسمها exit interview , وطبعا وهو في الحالة دي ممكن ميكونش طايق الشركة فمتطلبش طلبات كتير, بس اعرف ايه أكثر حاجة خد منها موقف في الشركة بتاعتك.

6- احتفل بالعميل

احتفل بالعميل , لما يجي العميل يشتري متاخدش الفلوس وتديله المنتج وتمشي , لأ لازم يكون في أجواء احتفالية يعني شوف ازاي تشكره ,بـ thank you mail بعد ما يشتري ، الـ senior بتاع الشركة يكلمة يشكره انه عمل business معاك, تديله هدية مع الـ product اللي هو اشتراه ، يعني مثلا لما يعدي 6 شهور من التعامل معاه ابعتله mail قوله احنا بنحتفل ب6 شهور سوا مع بعض .

7-طور المنتج بتاعك

دايما طور المنتج بتاعك شيل منه حاجات, وزود حاجات دلوقتي العميل بيحب الحاجة الـ creative بيحب الحاجة اللي واضح اوي ان هي جديدة وتتطور باستمرار , فاكرين زمان الفيسبوك كان عامل ازاي ودلوقتي بقا عامل ازاي عشان كدا هو على طول رقم واحد .

8- ابني Community

ابني community، العميل يحب ينتمي لمجتمع ولا ينتمي لشركة ؟ اكيد لمجتمع , العميل يحب يقول انا تبع البراند دا ولا تبع المجموعة دي انا عامل membership مع الفريق ده ؟

علشان تبني community لازم يكون في امتيازات تانية علشان يشتري منك لازم يكون في network معينة من الناس هو بيستفيد بيها, لازم يكون في معاملة VIP للـ member بتوعك لازم يكون في حاجات حصرية بتنزل للعميل بتاعك، لازم يكون في فوائد و benefit و value بتنزل للـ member وبس ,فشوف ايه الحاجة اللي تبني بيها الـ community بتاعك ودايما غذي ال community بمعلومات وهكذا.

9- اعمل delight للعميل

اعمل delight للعميل ودلع العميل لو عملت أكثر من توقعاته العميل يتبسط ويكلم الناس عنك ولو عملت اقل من توقعاته العميل يشتكي .

احنا كدا تكلمنا عن 3 حاجات attraction, activation, retention

موضوع الـ growth hacking موضوع كبير .. احنا بس عملنا زي خطوات واضحة ازاي لو عملتها كلها بشكل موازي هتلاقي الحاجة اللي بيها البيزنس ينمو بسرعة.

مستنيين اسئلتكم عن موضوع ال Growth hacking

تقدر كمان تسمع الـ podcast دي عن ال Growth hacking في اي وقت و من اي مكان

https://www.youtube.com/watch?v=3Hj_gN3y3II&list=PL8Bff7yIFImHWwnhFezr6Z6gRf9g1Sgst&index=7