ايه اللى مانعك تعمل personal branding

انهاردة هنراجع شوية مفاهيم وهنعمل انترفيو مع واحد في البيزنس بقاله 6 سنين

الحقيقة الـ personal branding يعتبر اختصار لاي حد عايز يوصل للناس بطريقة أسرع , ليه ؟

لان الناس بتحب تشتري من ناس زيها, الناس مبقتش بتتشد اوي لل logos  والأسماء خصوصا ان الاسماء كلها بقيت شبه بعض .

لكن يفرق معاهم مين اللي ورا البيزنس دا,مين الشخص الفلاني , اقدر اثق فيه ولا لأ, عندة نفس الـ value  اللي عندي ولا لأ ….. وهكذا.

يعني ال personal branding هو انك تعمل لنفسك علامة تجارية شخصية  و تقدم ميزة تنافسية مختلفة عن منافسيك 

اظن ان معظمنا عارف اهمية الـ personal branding واعرف ان هو طريق للنجاح والوصول للناس . وده ينقلنا للسؤال …

ايه اللي مانعك تعمل personal branding ؟

1- ايه هي نظرتك لل personal branding

اول عقبة  بتفكر هي ان نظرتك للـ personal branding ممكن تكون مختلفة شوية ومعطلاك 

يعني في واحد يقولي مثلا بصراحة الـ personal branding مش مهم اوي بالنسبالي اهم حاجة عندي الشركة

الحقيقة الناس كدا كدا هتاخد فكرة عنك دي طريقتنا كبشر الناس بنحب نعمل قصة في دماغنا .. كدا كدا الناس هتكون انطباع عنك  

كل اللي انت بتعملة في الـ personal branding انك بتحدد الانطباع دا بيبقى عامل ازاي وتستمر بطريقة منظمة ان انت توصل الانطباع اللي انت عايز توصله

هل دا معناه ان انت هتمثل ؟ لا دا مش الـ personal branding

اهم حاجة في الـ personal branding انك تبقا حقيقي تبقى على طبيعتك, زي صحابك كدا

في ناس بتنجذب ليك وعايزة تصحبك لان هما شافوا طبيعتك و شايفنها قريبة من طبيعتهم وناس تانيه منسجموش معاك هو دا بظبط  الـ personal branding

كل ما تبقى طبيعي وعلى حقيقتك كل ما شديت وجذبت الناس اللي هما الطبيعة بتاعتك والـ values بتاعتك بظبط

هتقولي لأ الـ personal branding بتاعت الشركات الصغيرة واحنا شركتنا ضخمة مش هيفرق معاهم مين صاحب البيزنس 

انا مش هتكلم كتير في النقطة دي , انا عايزاك تعمل سيرش على واحد اسمه Elon Musk 

الـ personal branding ببساطة انك تعبر عن نفسك تعبر عن رسالتك في الحياة وفي الشغل تعبر عن أهدافك ورؤيتك ورأيك من هنا ممكن تقول لي انا اصلا مش بحب اتكلم عن نفسي خالص !!

عمرك ما قلت رأيك لواحد صاحبك عمرك ما عملت check in في مكان عمرك ما اتصورت صورة ونزلتها على الفيس بوك

هتلاقي بطبيعتك كبشر عايز تقول رأيك في حاجة حتى لو كان القريبين منك بتحب تعبر عن رأيك … انا هنا مش بقولك تقعد تعظم في نفسك ..لأ .. انا هنا عايزك تبقى طبيعي حقيقي بتتكلم عن رأيك بتتكلم عن شغلك ودا الاساس اللي بنتكلم فيه

ازاي تتكلم عن الشغل بتاعك  بفخر وبدون تكبر بسعادة انك حققت كذا كذا كذا وأنجزت كذا كذا كذا لكن بدون ما تتعالى على حد تاني 

الموضوع ببساطة دي ,ايوه هو دا الـ personal branding

2- مليش في الفيديوهات !

واحد تاني يقولي ماشي خلاص انا اقتنعت بس انا مليش في الفيديوهات

انا مش هقعد اعمل بقا فيديوهات واقف قدام الكاميرا دي مش الحته بتاعتي .. بردو مش لازم تعمل فيديوهات أنا عايزك تعمل انتاج ايه هو الإنتاج .. content

اللي هو عامل ازاي يعني؟

 اخبار يعني مكتوبه . اكتب 

صور , صور

تصميمات ,  ماشي

راديو, ماشي

مقالات, اوكي

حتى لو مش قادر تعمل اي كونتنت من دا ,, وظف واحد يعملك الكونتنت ويتكلم عن الانجاز اللي انت بتعملو الشغل اللي انت بتعملوا 

حتى لو انت مهندس ميكانيكا وشغلك ان انت صلحت مكن .. خلي حد يكتب عن نتيجة الشغل اللي انت عملتوا 

3- مش بنحب النقد 

آخر نقطة في الحتة دي هي اننا مش بنحب النقد 

ودي نقطة بتعطل ناس كتير او على الـ personal branding 

رأي الناس ايه هيقولوا عليا ايه .. هيفتكروني ازاي هيشوفني ازاي وهكذا

تعمل ايه مع النقد الهدام 

طبعا احنا كنا متفقين ان في نقد بناء وهو مفيد وهكذا

لكن احنا بنتكلم عن النقد الهدام .. تعمل ايه مع النقد الهدام

الطريقة الوحيدة اللي بيها تنتصر على النقد الهدام هي التجاهل 

انا عارف هيبقى نفسك ترد … ونفسك تفهمه غلطه وهكذا  .. انما دي طريقة بتزود النقد الهدام وبتعلي من قيمته 

لكن لو اهملته خالص هتلاقيه اختفى زي شوية دخان يطلع لفوق وكل ما يطلع لفوق رؤيتنا ليه تقل جدا جدا 

انما لو انت اتكلمت و تفاوضت وحاولت كانك ماسك في نار وعمال تغذيها بالخشب 

انترفيو مع Cairo camera rentals 

دلوقتي هنروح للانترفيو مع اندرو اميل ال founder   ل Cairo camera rentals وكلمنا ازاي هو عمل شركة الناس فعلا بتحبها 

• • ازيك اندرو

• • الحمد لله تمام

• زي ما قولنا معانا أندرو هو عمل   Cairo camera rentals في مصر بقاله 6 سنين ,  بدأها من اول ما كانت شركة صغيرة خالص  , لحد ما هي دلوقتي احنا بنعتبرها رقم واحد في الماركت

السؤال اللي انت متوقعة مني ,  ايه اللي انت عملتو علشان تخلي البيزنس اللي هو cairo الناس تحبه ؟

انا اول حاجة عايز اقولهالك ان احنا بدانا Cairo camera rentals  بعدسة واحد بس, كنا بنأجر ال lance   في الشارع , ومكنش في مكتب اصلا وكنت بقابل الclient في الشارع ونقعد في عربيات وكافيهات , الدنيا كانت شوية مش مفهومه والـ concept كان جديد وقتها. بدانا واحده بواحده نقدم ال service دي ونسمع كلام الناس هما محتاجين ايه  لان وقتها الفوتوجرافي في مصر مكنتش لسه booming زي دلوقتي وفي نفس الوقت الناس مكنش معاها gear فلما كانوا يطلبو منا حاجة كنا بنسعى اننا نحققها ونجبهالهم ونوفرها for rent.

مع الوقت الدنيا بدأت تكبر وبدأ يبقى عندنا variety كبير من العدسات ومن الكاميرات وبدأنا نطور نفسنا . فانا شايف ان ال core اللي وصلنا لكدا اننا دايما كنا بنسمع لل  client وبنشتغل على ال requirements بتاعتهم, مش بس بنفذ من دماغنا ونجيب حاجات احنا حبينها وخلاص.

كويس قوي ,  طيب لو سألتك مثلا  , في مشكلة كبيرة بتواجه الناس اللي عندهم بيزنس انه لما بيصاحب ال clients قوي ,  ساعات مبيعرفش يعمل معاهم بيزنس من كتر ما هو مصاحبهم , يعني احنا كلنا لما بدانا بزنس في الاول بدأنا نقول هشوف هو ايه ال Requirements  بتاعته وهديلو اللي هو محتاجه وهفصل الservice عليه وهكذا , وبعد كده بصيت لقيت ان لا، دا في صعوبة دلوقتي ان اعمل معاة بيزنس لان مثلا بيكون في حاجة زي عشم وببقا خايف ابدا اكلمة عن البيزنس لحسن يحس ان انا بعمل معاه بيزنس مش بعمل strong relationship as supporter  مثلا؟

الموضوع فعلا Challenging بس الفكرة كلها من الاول ان الناس شافت ان انت بروفشنال بس في نفس الوقت Friendly هيبقا    اه Stell في Personal relationship , بس بعد كدا يعني انا اول ما بدات البيزنس حجمه كان صغير جدا فكان انا بس اللي موجود في البيزنس فالدنيا كلها كانت Personal relationship  لكن لما بدانا نطور ونكبر والناس حست ان احنا بنكبر و Stell في سيستم الموضوع مكانش عايم اوي , فبدأو يتقبلو بتحصل شوية issues في النص بضطر اني اتدخل فيها , Somehow البيزنس سستم اللي اتعملوا ديزاين من الاول ناجح جدا في التعامل مع الناس,  وحته ان احنا بنعمل بيزنس مش عشم خلاص بقيت Clear للناس. الفكرة كلها بتعتمد على شخصيتك من الاول وانت ازاي عارف تميز ان دا بيزنس وان دي صحوبية .

تمام كويس اوي, طيب مثلا في خلال ال6 سنين اللي فاتو في شركتك انت اكيد كنت بادئ بسعر واضطريت انك تعلي السعر بعد كدا ظروف البلد اتغيرت روحت معلي السعر شوية .. ازاي حاجة زي كدا عملتها من غير ما الناس تحس ان مثلا ثقتهم فيك تقل,  او مثلا حبهم للبراند يقل؟

كل Price decision making  كنا بناخده , احنا كنا بنحاول نفهم العميل ان احنا بنـ  Add value مش بنزود السعر وخلاص, فلما حصل التعويم كنا احنا اخر rental house يزود السعر في البلد كلها. حاولنا نفضل علي نفس السعر لاطول فتره ممكنه ,  و زودنا الاسعار بعد سنة كاملة من التعويم بس كمان زودناها بـ Added value , يعني مثلا كنت بتأجر الكاميرا بالميموري بالبطاريات , احنا زودنا إمكانيات الميموري , قدمنا Packaging مختلف , فالناس حست ال  Package زادت ك Value فطبيعي ان السعر يزيد . فكانت الماسج مش Clear قوي اننا بنزود علشان التعويم, لكن علشان Value زيادة .

 انا عارف انك اول حد بدات البزنس ده في مصر , مش كده ؟

 

في مجال السينما ,  لا طبعا فيه ناس قديمه جدا,  لكن كـ Modern rental house احنا اول ناس .

اكيد دلوقتي فيه منافسة مختلفة خالص عن اول ما بدات , وده طبيعي ,  كل ال business owners بيعانوا منها, انك بتبدا بمنافسة قليله لكن النهارده المنافسة بتزيد  واكتر من حد بينافس , فـ ازاي بتحافظ علي العملاء انهم يحبوا البزنس بتاعك رغم المنافسة؟

الفكرة كلها في النمو , لو الناس شايفة البزنس بيكبر و بيتطور و ان  يوم عن يوم و سنه عن سنه فيه اختلاف في البزنس الناس بتبقي حابه تجيلك علشان الناس بتحب ت ِAttach  نفسها بيزنس بيكبر , حتى لو النمو حاجه صغيره , برده احنا بنحاول نقدم اختلاف و تنوع , احنا بدأنا بعدسه, و بدانا نبني براند CCR , دلوقتي عندنا Cairo camera studios , دي خدمة جديدة عندنا  , و بنجهز لـ بزنس جديد بيخدم جزء ال Education , كل يوم بنطور و نقدم Services جديده , فالناس بتحس ان عندها Full solution في ال Image making مش بس بتاجر عدسة و كاميرا , ده بيجذب الناس تتعامل معانا ,كمان بنحاول نحافظ علي   long term sustainability يعني نحافظ على العلاقات لأطول فترة مع ال stockholders سواء مع العميل ال Suppliers , ال venders , فدي ال culture اللي موجوده في البزنس ككل اننا نحاول نحافظ على العلاقات لاطول فتره ممكنه , وحتي لو حصل مشاكل بنحاول نحلها ك win win situation  .

حلوه قوي النقطه دي , طيب ازاي  ادينا تفاصيل اكتر في النقطه دي, ازاي بتحافظ علي الناس  لاطول فترة ممكنه , يعني كلنا بيحصل معانا ان العميل بيجي يشتري منك والعلاقة بتنتهي , ازاي بتحافظ على علاقتك مع  ؟  tool او concept معين بيخليك تتابع مع الناس دي هل فيه

فيه حاجتين اساسيتين ممكن نتكلم عليها , اول حاجه ان الناس شافت اندرو  من وهو صغير في الأول وهو بيقابلهم في الشارع ومش عارفين البزنس ده عباره عن ايه  وال Model ده رايح فين , و شافت التطور بتاعه مع الوقت وان فيه corporate بتظهر , وان اندرو كـ Personal Brand ابتدى يروح في حتة تانية وابتدي يبقى هو educator في حد ذاته . 

الحاجة التانية ان الناس ال Employees اللي جم في الشركة , خدو نفس ال Culture فالعملاء بقوا بيتعاملوا مع ال Employees كـ Unity او كـ One family , و الناس بتيجي وبتقول ده مكاني , انا هنا شوف equipment  اتعلمت حاجات جديده , مش بعيد جالي شغل من المكان , كـ Client referrers . دي الحاجة اللي بتحسس العميل ان احنا مصلحتنا واحدة . فاحنا دايما مع بعض مش هينفع ولا احنا نخسره ولا هو يخسرنا , فلما العميل يحس ان احنا مصلحتنا مشتركة  , فلما تحصل مشاكل هما مش بيجوا يشتكوا الشركة لكن بيشتكوا للشركة و ده اللي بيميز ال business relation عندنا عن اي حد من المنافسين .

جميل , طيب اخر سؤال , لو قلتلك قول حاجة واحده لل business owners  يشتغلوا عليها علشان يعملوا بزنس الناس تحبه .

الحاجه اللي بتفرق بين بزنس و بزنس حتي لو في نفس المجال و المنافسين , هي شخصية ال entrepreneur  اللي باينه في روح البزنس , فيه ناس كتير جدا بتبني بزنس و بتفشل , و ناس كتير بتبني Businesses و بتفضل Nutural ,  يعني مش مؤثره او مش فارقة في حياة حد , الفكره كلها في ال Passion اللي ورا الموضوع , لو انت بتشتغل كل يوم علشان تطور البزنس بتاعك و بتطور نفسك , كـ entrepreneur , وانت صاحب الفكر في الاول و في الاخر , هو ده اللي بيفرق علي ال longrun الفكره برضه في الآخر ان في ناس بتبني بزنس علشان عايزة  تبني ” سبوبه ” او مصدر دخل ممكن هتعمل فلوس لكن في الاخر مش هتبني حاجة تورثها لاولادك , وحتي لو ورثتها ليهم مش هتكون حاجه هيفتخروا بيها في الاخر , الفكرة كلها انك كـ entrepreneur بتشتغل على نفسك و بتطور و الناس اللي معجبة بفكرك هتـ attach بالبزنس بتاعك و من هنا هتبتدي تكبر , علشان كده you have to think deep ,  انا محتاج اعمل ده ليه , وامتي , وازاي ؟ , محتاج اشتغل علي نفسي اكتر من الاول , كموظف كل الناس بتفكر انها تاخد courses و soft skills, لكن كـ entrepreneur انت لازم تكون عارف كل حاجة كل ال Skills, هتتعامل مع العميل ده ازاي و مع الموظف ازاي ومع ال category ازاي , فاللي بيفرق بين بزنس والثاني هو ال owner و ال culture بتاعت البزنس اللي بتكون عند كل الناس اللي بتشتغل معاه بعد كده في الشركة . 

•  كلام جميل , شكرا اندرو علي  ال interview ده 

• متشكر جدا لاستضافتكم

بعد ما مشيت معانا رحلة ال Personal branding  ,شاركنا من وجهة نظرك ايه المعوقات التانية اللي ممكن تخليك ماتعملش Personal branding 

ممكن تسمع  من ال podcast  دي عن موضوع الاسباب اللي بتمنعك تعمل personal Branding