زمان كانت الناس تشتري لافتات في الشارع علشان لما يجي يعمل دعاية يلاقي مكان يعمل الدعاية عليه

دلوقتي بقا في حاجة زي كدا بظبط بس أونلاين

 ودا موضوعنا النهاردة وهو الاملاك الاونلاين 

بقالنا فترة بنتكلم على الـ personal branding وقلنا ايه هو الـ brand وايه هي الرسالة اللي عايز تقولها للناس وهكذا

انهاردة هنتكلم على حاجة اسمها املاكك اونلاين

6 خطوات تعملها علشان يكون عندك أملاك اونلاين عشان الناس تعرفك

الكلام دا يمشي علي الـ personal branding أو الشركات

ازاي يكون عندك املاك اونلاين في 6 خطوات ؟

الخطوة الأولى احجز الـ user بتاعك على كل الـ social media platforms

 احجز الـ user بتاعك على كل الـ social media platforms

(facebook, google+, youtube, linkedIn, Instagram, Twitter, Pinterest )

حتى المنصات اللي مش بتستعملها 

لان ممكن بسهولة بعد فترة قليلة تلاقي متابعينك اكتر على جوجل بلاس او الفيس بوك مبقاش عليه تفاعل زي تويتر .. وهكذا

يبقا كده انت عندك أملاك على كل الـ social media platforms

في حاجة تانية عايز اقولها

لازم تعمل communities حتى لو صغيرة على platforms تانيه 

يعني يبقا ليك الناس بتوعك على linkedin ويبقا ليك ناس على تويتر 

علشان لما الفيسبوك لو يقلل الـ organic reach أو يغلي الإعلانات

ميبقا كل الـ business بتاعك قائم على مصدر واحد بس

فيتأثر البزنس بتغيير ظروف المصدر ده

فيبقى عندك ناس على تويتر وانستا وهكذا

طيب اعرف ازاي ان الاسم بتاعي available على كل المواقع 

عن طريق موقع اسمه name checker تقدر بيه تتأكد ان الـ username بتاعك متاح على كل المواقع 

تاني نقطة  احجز ال domain والـ website بتاعك

هنحجز الـ domain بتاع الشركة أو اسم الـ personal name بتاعي  ونعمل website

ازاي هنستخدم الويبسايت في ال branding؟؟

1- الموقع بتاعك مش هيبقا فعال الا لما اربطه بالـ social media accounts
2- أربطة بالـ newsletter اللي ببعتها للناس

3- ظبط ال home page  مثلا..

تعالي عن الثلث بتاع الـ website واحط الـ mission بتاعتي او الslogan أو الفائدة اللي انا موجود عشانها

او الحاجة اللي انا بعملها … وهكذا

بيعجبني اوي evernote … دا موبايل app للتذكرة

لما بتدخل على الموقع كاتب جملة بسيطة في أول جزء في الموقع remember everything

4- خلي الموقع بتاعك بسيط بس و بيوصل المعلومة 

خلي الموقع بتاعك أثناء وانا بعمل scroll بيبني المعلومة في دماغ الناس علشان يعرفهم عليك .. فائدتك ايه .. دورك ايه .. ايه الحاجات اللي تخليني اثق فيك … 

5-وفي الاخر ضيف  call to action فعال زي تواصل معنا .. كلمنا وهكذا

كل دا بسبالنا معروف 

في حاجة صغيرة اوى ممكن تكون مش معروفة عن الناس بتساعدك توصل لعملائك  المستهدفين بشكل اسهل 

1- Facebook pixel

في حاجة اسمها pixel دا الفيس بوك عاملها , بيديلك كود بترفعه على الموقع بتاعك وبتقدر توصل الـ facebook ads manager بالموقع بتاعك 

ولما تحب تعمل اعلان للناس اللي زارت الموقع بتاعك اقدر استهدفهم من خلال الفيس بوك 

2-Google analytics

 في كود بسيط على google analytics بتقدر من خلاله تحطة على الموقع بتاعك .. بتعرف الناس اللي زارت الموقع قد ايه

انهي بيدج اللي عجبتهم اكتر .. قاعدوا وقت قد ايه في المقالة دي .. وهكذا

3 -blog 

الـ blog هي المكان الـ friendly على الموقع بتاعك.. المكان اللي بيكون فيه مقالات والكتابات بتاعتك انت وفريق العمل وفيه مكان للناس تقدر تقول كومنت أو تقول رأيها .. وهكذا

ومن خلال الـ blog نقدر نعمل content مستمر يغذى العميل بالمعلومات المفيدة وتقدر من خلالة تعمل الـ inbound campaign وهكذا

الـ blog محتاج strategies ومحتاج افكار.. اجيب كلام منين للـ blog

افكار للكونتنت لل blogs و ال websites

1- اكتب عن عملائك 

عايز أكتب في الـ blog حاجات مهمة للعميل بتاعي .. طيب اتكلم عنهم ولا عني

اكيد هتكلم عنهم وعن اسألتهم ومشاكلهم

طيب اجيب مشاكلهم منين..؟

من الـ search ومن الجروبات اللي على الفيسبوك 

على الـ descations اللي العميل بيعملها او من عند المنافسين 

لما اروح عند المنافسين والقي الناس بتشتكي من حاجة معينة او بتشكر في حاجة معينة او بتسأل الاسئله الفلانية .. هنا بفهم دماغ العميل وابدأ اكتب عن المواضيع اللي تهم العميل مقالات 

ابدأ احل مشاكله من خلال المعلومات المفيدة اللي هكتبها في الـ blog

2- industry report

تاني حاجة ممكن اكتبها .. اعمل industry report يعني اكتب تقرير عن الصناعة بتاعتي والتقرير دا يهم العميل بتاعي 

التقرير دا يفيده في الصناعة بتاعته يفيده في حياته .. وهكذا

اكون انا مصدر المعلومة بتاعة .. يجيلي علشان ياخد تقرير عن الصناعة كلها

يبقا الموضوع مش بس يعمل معايا business لا دا انا المكان اللي لما بيتوه في حاجة ييجي يسألني عليها

3- interviews

ثالث فكرة .. اعمل interviews مع ناس تهم العميل .. مع ناس هيستفيد لو هو سمع كلام منهم

مثال .. انا لو عايز افيدك انت في حاجة جمب الماركتنج ممكن اعمل interviews مع ناس business man تسمع منهم هما عملو ايه علشان يبنوا الـ business بتاعهم .. اكلم رجال اعمال كتير اعمل interviews كتير او حتى اعمل interviews مع ناس تانيه في الماركتنج فالفائده تبقى مضاعفة

4 – podcast

حاجة كمان 

لما اجي اعمل content ممكن تقول انا مليش  في الفيديوز .. مش لازم فيديوز .. ممكن podcast زي اللي انت بتسمعوا دا

ممكن article أو graphic design او ممكن من خلال انك تختصر حاجات كتير في infographic واحدة 

مهما كان نوع المحتوى اللي انت هتقدمه لازم يكون مفيد ويكون مستمر وتوعد الناس مثلا تقول في المعاد الفلاني هنعمل فيديو او مقال

5- ebook

آخر فكرة في موضوع الـ blog .. 

انت ممكن تعمل كتاب

وانت بتكتب المقالات حط في دماغك ان هيجي يوم وتجمع كل المقالات في كتاب 

دي طريقة سهلة جدا لو حطيتها في دماغك من الاول هتفكر ديما وانت بتكتب ازاي تكون مترابطة.. ازاي تاخد موضوع من كل النواحي .. وهكذا

طيب الكتاب دا ممكن يكون Ebook علشان يعملو download للكتب يملو بياناتهم وبس

ولا كمان ممكن كتاب حقيقي موجود في المكتبات 

دي افكار للـ blogs ممكن لو حد عندة افكار زيادة يزودها 

النقطة الرابعة build the event 

احنا بنتكلم ان انت يبقا ليك أملاك اونلاين

تحجز الـ domain بتاعك تعمل الـ website بتاعك وتعمل الـ blog 

رابع نقطة انك تبني الايفينت

مقصود بيها انك تبني حدث الناس تستنى من السنه للسنه 

لو الايفينت الناس بتستنى في الصناعة بتاعتك اللي مجمع نجوم واعلام الصناعة والناس بتستنى كل سنة 

انت اللي بتعملوا وانت الـ host بتاعة

دا يعتبر من ضمن الاملاك اللي تقدر تعملها سواء offline أو online

ومنها تقدر توصل للعميل بتاعك وتوصل لكل الناس من الشريحة المستهدفة وتديهم المعلومات اللي انت عايز تعملها سواء معلومات مفيدة او رسائل اعلانية 

5- النقطة الخامسة انك تعمل مكتبه فيديوهات 

يعني انت بتعمل فيديوز صغيرة وطبعا بتكون مفيده سواء بتعمل personal branding أو بتعمل حاجة للشركة بتاعتك 

وانا بعمل الفيديوز بحط فى دماغى ايه الترابط بينهم وازاي بعد كدا اجمع مجموعة فيديوز وتبقى زي playlist لموضوع معين 

ايه المانع تبقى مجموعة فيديوهات تعمل بيها online course اللي يشوفها كأنه اخد كورس كامل مجاناً

يبقى وانا بشتغل في الفيديوز شايف المستقبل وشايف انا هوصل لايه وانا شغال في فيديو فيديو 

علشان اقدر اعمل مكتبه فيديوهات فيها مواضيع مختلفة 

6- ابني مجتمع online و offline يبقا عندك ناس كتير loyal ليك 

الناس الكتير هيتبنوا عن طريق strong relationship online عن طريق انك تجاوبهم على اسئلتهم تفيدهم فعلا

تكون موجود علشان تعمل support معين في الـ business بتاعهم او في الحياه
على حسب الـ mission بتاعتك ولما نيجي نعمل كدا متعملش بشكل عشوائي 

لازم يكون ممنهج

بتركز مع شخص شخص بيسأل

بنعرف الـ need بتاعت واحد واحد وبنعمل customize على السؤال بتاعه وعلى طول بيكون follow up مع الناس لحد ما يكون عندك جروب من الناس اللي فعلا بيحبوك فعلا شايفينك فدتهم اللي مستعدين يمشوا وراك ويشوفوا انت هتعمل ايه و يعطولك support زي ما انت عملت ليهم support

يبقا احنا اتكلمنا كدا على الخطوات اللي تقدر تبني بيها أملاك على الـ online 

قولنا تحجز الـ user name بتوعك 

الـ domain & website

وأفكار للـ blog

وقلنا تبني الـ event اللي الناس تستنى

وتعمل مكتبة فيديوهات 

تبني comunity من الناس اللي بتحبك 

دي خطوات ممكن تكون عارف معظمها بس هل اشتغلت عليها كلها في نفس الوقت in parallel

دا اللي بشجعك تعملوا علشان تبني الـ personal branding ناجح

اسمع ال podcast من هنا 

https://youtu.be/U2F_VptCiQE

لو عندك اي اسئلة عن ازاي تبني املاك اونلاين ليك ابعتلنا علطول في كومنت